شعر حب خليجي

كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..
====================

بنت الكحيله ..

بنت الكحيله مهرتي

وخيالتي من كل اصيل

ألقى عليها طربتي

بين المعنق والشليل

صدر وقطاة فلوتي

العنق والساق الطويل

وقع الحوافر نغمتي

وحداتنا رجع الصهيل

أبوي وجدي قدوتي

لو ما لهم عندي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل



===================

لو نسيت العمر ما انسى دمعتك

ترتعش مرتاعة في وجنتك

أزعجت صمت الليالي عبرتك

تسكب الدمعه وتظمى نظرتك

يا ضياع العمر ضيعة بسمتك

ليت من يمتص جارح لحظتك