،،، سُمَيِتْنيٌ نَصٌفٍكُ الْثاُنَيْ وْيٍا ُشٌحَكٌ ،،،

ماقلت احبك ولا قد قلت مااحبّك ،،،
الحب مالي عيوني وانت تسواها


لو تدري وش كثر تعني لي تعرف انّك ،،،
آخـر أمــل في حياتــي واول مـنـاهـا


ياكثر احسّ ان بك مني وبي منّك ،،،
روح قسمها على شخصين مولاها


سميتني نصفك الثاني ويا شحّك ،،،
وانا باسمّيك كلي وانت معناها


لاتقول وش تحب فيني اعشقك كلّك ،،،
من ليل شعرك لشمسك وآخر اقصاها


تعبت اودّيك له يا قلب ويردّك ،،،
لا خذى حلومي ولاخلاني انساها


كل الحمام استراح وناح في ضلّك ،،،
والورد الاصفر سقته الروح من ماها


ليتك بعمري ثلاث اشخاص ماملّك ،،،
واحد معي دوم وواحد روحي يملاها


والثالث بجفن عيني لافقدت حسّك ،،،
أو غمض الجفن جاني فيك يتباها


موبس احبّك انا والله من حبّك ،،،
احب حتى ثرى الارض الي تاطاها

وسلامتكم