قصيدة أعــشق هـبـالـك

بنت السحاب أسألك بالله وش تعنـي

غيبوبة إللي يجيـك ويوقـف قبالـك

ماينتبه لين يسمع : هيـه تسمعنـي ؟

من ثغرك تسوقهـا تلويحـة شمالـك

بالله أبـي رد بـس بشـرط يقنعنـي

وشلون وإنتي بقربي باقي أسعى لك !

وشلون ودّي على كلّـك أوزعنـي !

وأغار من بعض كلّي لحظة وصالـك

وشلون أجمّع شتاتك ليـن أضيّعنـي

وأتوه عمري بليل عيونـك الحالـك

إلا على ذكر عينك صـدق تمتعنـي

ردّة فعل رمشهـا مـن ردّة أفعالـك

لفتاتهـا يـد طفلـة دوم تصفعـنـي

وأنا بشقاوة يديهـا العاشـق الهالـك

ياهـي هدبهـا ينزّلنـي ويرفعـنـي

كل ما أرتفع ثم أنزل ثم أرقـى لـك

تكلّمي بحّتـك مـن جـد تصرعنـي

قولي لي عن كل شي يدور في بالـك

بأول لقا هب لي صوتـك وشرّعنـي

أنفاسك الدافيـة تستعطـف أقوالـك

لسانك إن زل قلتـي : الله يقطعنـي

من رقتك بـس فـال الله ولا فالـك

مرّه تقوليـن لـي : ماعـاد تنفعنـي

وألقاني أشكيك لك ظلمـك وألجالـك

وتقولي : أمزح بضحكة حيل تفجعني

بالرغم من كل هـذا أعشـق هبالـك

وإللي وهبني حـلاك وفيـك ولّعنـي

من كثر ما أهواك ودّي أحضن ظلالك

جوالـي إن دق قلـت : الله سمعنـي

سجّلتك بإسـم (( ياقلبـي هنيالـك ))

تدرين شـأكثر سؤال بجد يوجعني ؟

إنتي وش مسجّله إسمـي بجوالـك !!

للشاعر محمد عويضه

وااااااااااااااااااو

قصيدة روووووووووووووعه

ثانكس قلبووو

ياعوومري على الذوق الخطير

يسلمووو حيااااتووو